මං කැමතියි අනාගතේ වෛද්‍යවරියක් වෙන්න. මගේ අම්මා වගේ අයව සනීප කරන්න

නෙත්මි දහරා 2016 වසරේදී පහේ ශිස්‍යත්ව විභාගය සමත් වුණා. 

ඒත්, ඇය ශිෂ්‍යත්ව විභාගය සමත් වූ තවත් එක් දැරියක් විතරක් නෙමෙයි. 

හක්මණ ඇල්ලෙවෙල කණිටු විදුහලෙන් ඇය පහේ ශිෂ්‍යත්ව විභාගය සමත් වුණේ වසර 40කට පසුවයි. 

“මං කැමතියි අනාගතේ වෛද්‍යවරියක් වෙන්න. මගේ අම්මා වගේ අයව සනීප කරන්න," නෙත්මි පවසනවා. 

නෙත්මිගේ අම්මාත්, තාත්තාත් මානසික අබාධ සහිත පුද්ගලයන් දෙදෙනෙක්. දුප්පත්කමට විතරක් නෙමෙයි අවාසනාවටත් එරෙහිව අරගල කර ඉදිරියට යන මෙවැනි දරුවන් පුංචි ඔබටත් ආදර්ශයක්.