ලෝකයේ ගොඩක් දෙනා ජීවිතයේ විවිධ ගැටලු වලදී වැටුනම ආයෙ නැගිටින්න උත්සහ කරන්නෙ නෑ. එයාලා හිතන්නේ දැන් ඔක්කොම ඉවරයි කියලා. ඒත් වැටිච්ච තැනින් නැගිටින්න වෙර දරණ උත්සහවන්ත පුද්ගලයා අනිවාර්යයෙන්ම ජයගන්නවා. මේ එවන් කතාවක්.
2016 රියෝ ඔලිම්පික් උළෙලේදී ගිනි සිළුව දල්වන්නට යෙදී තිබුනේ බ්‍රසීල ක්‍රීඩකයෙක් වන ලෝක පූජිත පාපන්දු ක්‍රීඩක පේලේ අතිනි. නමුත් අවාසනාවන්ත අයුරින් පේලේ අසනීප තත්වයෙන් බොහෝ අසාධ්‍යව සිටි නිසා ඔහුට මෙම ගිනි සිළුව දල්වන්නට නොහැකි වූවා. ඒ වෙනුවට ගිනිසිළුව දැල්වූයේ බ්‍රසීලයේ ක්‍රීඩා වීරයෙක්. ඒ තමා වැන්ඩෙලේරි කොර්ඩේරියෝ දෙ ලාමා.
මොහු මැරතන් ධාවකයෙක්. උපන්නේ 1969 අගෝස්තු 11. මේ ක්‍රීඩකයා ලොව අවධානයට ලක් වුණේ 2004දී ග්‍රීසියේ ඇතැන්ස් නුවර පැවැත්වූ ඔලිම්පික් උලෙලේදී ඔහුට සිදුවූ ඇබැද්දිය නිසායි.
මැරතන් ධාවන තරඟයේ ක්‍රීඩා කරමින් සිටි ඔහුට විරෝධතාකරුවෙක් බාධා එල්ල කළා. ඒ වන විට කිලෝමීටර් 35ක් ධාවනය කර සිටි ඔහු තරගයේ ඉදිරියෙන්ම සිටියා.
එම විරෝධතාකරුවාගේ නම කොර්නේලියස් හොරාන් වන අතර ඔහු අයර්ලන්ත පූජකයෙකි. (ඊට පසු අවුරුද්දේ එනම් 2005 දී මොහුව පූජක තනතුරෙන් නෙරපන ලදී.)
කෙසේ හෝ මේ විරෝධතාකරුවාගෙන් ගැලවුණු දෙ ලාමා නැවතත් තරඟයට අවතීර්ණ වුණා. දෙ ලාමා අවසානයේ තරඟය අවසන් කළේ ලෝකඩ පදක්කම දිනා ගනිමින්. විරෝධතාකරුවා නොසිටියානම් දෙ ලාමාට රන් පදක්කම දිනා ගැනීමට අවස්ථාව තිබුණා.
තුන්වන ස්ථානය දිනා ගනිමින් ඔලිම්පික් පිටියට පිවිසි දෙ ලාමා ඒ කණගාටුදායක සිද්ධිය අමතක කරමින් ප්‍රීතිය සැමරූ හැටි පහත වීඩියෝවෙන් නරඹන්න.
- මිතිල ප්‍රනාන්දු විසින් තබන ලද සටහනකින් උපුටා ගන්නා ලදී.
No comments:
Post a Comment