ඩෙරෙක් රෙඩ්මන්ඩ් බ්‍රිතාන්‍ය ජාතික මලල ක්‍රීඩකයෙක්.
1992දී ස්පාඤ්ඤයේ බාසිලෝනාහි පැවති ඔලිම්පික් තරගයේදී ඔහු මීටර් 400 රන් පදක්කම ඉලක්ක කරගෙන ධාවනයේ යෙදුණා.
එහෙත් අවසන් පූර්ව තරගයේදී ඔහුගේ මස්පිඬු ඉරී යාමක් නිසා ඔහු ධාවන පථයේ නැවතුණා.
ඒ වුණාට තරගය අතරමග අතහැර දමන්නට ඔහුට හිතුණේ නැහැ. ඒ නිසා ඔහු අමාරුවෙන් ඉදිරියට ගියා. ඔහුට උවමනා වුණේ තරගය අවසන් කරන්නට විතරයි.
ඒ අතර, ආරක්ෂක විධිවිධාන නො තකා හරිමින් පුද්ගලයෙක් ධාවන පථයට පිවිසියා.
“පුතේ, ඔයා මේ වැඩේ කරන්න එපා," යි ඔහු කීවා.
“නෑ, මම කරනවා," ඩෙරෙක් කිව්වා.
“හරි. එහෙනම් අපි දෙන්නම ඒක කරමු," යි කියමින් අමුත්තා ඔහු වත්තම් කරගෙන තරග අවසානය ආසන්නයට ඔහු රැගෙන ගියා.
ඒ තමයි ඩෙරෙක්ගේ තාත්තා.
No comments:
Post a Comment